كلمات اغنية وردة الجزائرية – إحنا اللي اللوم علينا

احنا اللى اللوم علينا والحب خساره فينا

ده كان فى ايدينا لكن ماتستاهلوش ايدينا

ضيعنا وانتهينا

ولما ضاع بكينا

ونلوم ليه ع الليالى ده احنا اللى اللوم علينا

ضيعنا حبنـــا بشكوكنا وظننا

وف لحظه لقينا روحنا بعيد عن بعضنا

بصينا لبعض يومها قمنا استغربنا روحنا

لا دنيا الحب دنيا ولا احنا زى مااحنا

ومش باقى ف عينينا الا الدمعه الحزينه

ونلوم ليه ع الليالى ده احنا اللى اللوم علينا

لا حينفع حزننا ولا نارنا ودمعنا

لا حيرجع زمانا ولا يجمع شملنا

شىء انكسر مابينا مايفدش فيه ندمنا

مااحنا اللى اختارنا نارنا ورفضنا نعيش فى جنه

كان الوداع مالينا وسلمنا له ورضينا

ونلوم ليه ع الليالى ده احنا اللى اللوم علينا