مساحة إعلانية
يا مننزل، يا مننذل
-----------------------------------------------------------
بدي احكي حكايتنا، ولو صارت معروفي
ما بقى في ولد يصدق، إنو اجا من ملفوفي
حقو يعرف شو اللي صار، ويمكن يفهم ظروفي
رح احكي وبإختصار، عن بلدنا المخطوفي
كرمال ال whatsapp عالطرقات تواعدنا
ما ضل فاسد إلا نسب، إيد بإيد تساعدنا
حلمنا نرجّع هالأموال وعالكرامة استندنا
ولما داقت فينا الحال، فجأة كلنا سكتنا!
نزلوا معنا التلاميذ، وهني طبعاً أملنا
وكون العبرة بالتنفيذ, منن نحنا تعلمنا
فلّسنا أنا وجاري ورحنا سوا تديّنا
تديّنا شوي مصاري ومن "الدِّين" كتّرنا
بعلمي كنا إيد بإيد وكلمة وحدة موقفنا
فجأة صار شخص جديد، ومدري كيف تفرقنا
تركنا الناهب إم الشعب، وسكرنا عحارتنا
ولعبو فينا كلنا لعب، شغلة مش من قدرتنا
كنت بفضل وقت النوم، خبّر ابني قصتنا
صرت خايف من هل يوم، وبعدا هيك حالتنا
بس بدي ابني يفهم، ويا تاريخ بلادي ذكرنا
في رجال قدموا دم، تتتغير عيشتنا
ما بدي بلاد الغربة، نتمناها تاخدنا
وطني ساكن بقلبي.. و بأرضه مستقبلنا
خلونا نبشِّر هل أرض يللي إسمها لبنان
إنو هي النا عرض، وبدنا نردلها الامان
شو بينفعونا الأشعار, و زعيمي عم يسرقنا
معيّشنا كلنا بنار, نحن بس بتحرقنا
و للسياسيّي كلمة، هيدا الشعب منكن مل
صار يفتّش عاللقمة، من هل عيشي والله كل
بلبنان يا ابني، ما لقيت إلا هالحل
حتى هل وطن نبني، يا مننزل...... يا مننذل
التعليقات