كلمات اغنية يونغ فاروز – بهفلط

V1

بهفلط، من إمبارح مطبق

دماغي شارع زحمه و أنا تايه في الملخص

بعافر بفكر أذاكر أو أفضل

موهبتي في الجامعه الوحيده هي إني أحفظ

بهفلط بخطط من و أنا في اللفه

أرسم خط سيري، أزف زياطين الزفه

بختار زبوني، دماغي تاكسي

في مرايتي بكلم نفسي، مصمم أمشي عكسي

مش لازم تمشي رسمي و إسمك يبقي فوزي

و تصحي ستة الصبح عشان توصل الشغل بدري

بطل تلعب عالتسقيفه، إتقل تاخد حاجه نضيفه

لو مش شايف عيبك ميزه، جرب إعدل برج بيزا

Hook/Chorus

رايحة و مش عارفه فين

مش بفكر انا ثانيتين

سيبتلكوا ازاي و ليه

في حالي انا مالي بكلامكوا ده

بلف بدور، شمال يمين

لأ مش طالبه معايا سين و جيم

بسمع نفسي، شايفه إني

هوصل لو حتى أنا.. بهفلط

V2

واقف فوق سقف طموحي، أنا مش واقف في الطابور

مش بريح الزبون، أنا مش دوري بدون جمهور

أيوا، صوتي عالي وقت السكوت

قشطه، طول ما أنا مبسوط

سايق القطر، إزاي يفوت؟

واقف لوحدي و سايب اللمة

وكلوا بيتصور و ماسك الكاميرا

كلوا في طابور وانا قاعد عالكنبه

هدفي إني أضرب الهم بالجزمة

مش لازم أخلي للأزمة لازمة

مش لازم الإبداع يبقى بس في رسمة

كلنا بيضحك علينا بكلمة واحدة "إسمع"

كدبت الميه، أنا مش غطاس

مفيش ضغط، مفيش ألماظ

بعمل بدله من زرار مش بدلة صافيناز

المتعه بقت سلعه و التفاهه ريحتها فايحه

لأ محدش فاهم حاجه و كل الناس.. رايحه

Hook/Chorus

رايحة و مش عارفه فين

مش بفكر انا ثانيتين

سيبتلكوا ازاي و ليه

في حالي انا مالي بكلامكوا ده

بلف بدور، شمال يمين

لأ مش طالبه معايا سين و جيم

بسمع نفسي، شايفه إني

هوصل لو حتى أنا.. بهفلط