مساحة إعلانية
920x160
تواصل معنا
صح العب بوبجي وجيلي يسموه سبونج بوب
كاضيهه اسمع راب وكل اليوم على اليوتيوب
تاتو بالصفحه وشعري كله سبايكي
لحيتي صفر كلهه واحاول البس نايكي
لبسي شويه اوفر ولازم كل يوم سيلفي
تلفوني نوت وايفون والشباب خلفي
عندي فيس تلي وعندي اللخ انستا
ويكولولي دائما انت جنك فاشنستا
عندي سنابي كله عباره عن نركيله
تره اني شاب اخبل ومابيدي اي حيله
صح شاب اني ومرات احجي مكسر
بيس يامان هذا التيي مخدر
بس زلزل صوتي الدنيا حكومه وبرلمان
نزلت اطالب بحقي حالنه حال الاوطان
كدرت اسوي شغله مامسويهه من زمان
وحدت الشعب كله والناس يامان
عيبوا عل تكتك مشهد غير حضاري
غير من خمطهم هذا اطفي بي ناري
صار اسعاف مؤقت يشيل الشهداء
اشرف من جكساره بمنطقة الخضراء
نزلت للشارع ويه علمي الله واكبر
تالي تتلكاني بطلقه وتحطهه بجهتي الايسر
التعليقات