مساحة إعلانية
عايش بتوه.. تايه بعيش
مخنوقة ليه الذكريات مبتتنسيش
عمال اسكت قلبي واكتم صوتي فيه
الله يجازيها عينيا دي اللي مبتداريش
بكسب حاجات.. واخسر اهم
يطلعلي جرح جديد عشان في جرح لم
انا حتى روحي خسرتها في رهان قديم
عايش عشان قلبي يادوب بيضخ دم
مكملناش..
ولا باقي صور تجمعني وياكي
ودون الناس..
بقيت شايفك كأني لسا جواكي
بنادي عليا طول الليل..
وطول الليل محدش رد
ببص على اللي فات ابكي..
وابص على اللي جاي اتخض
هيفرق ايه كلام مقصود بدون توضيح..
غريبة ان انتي شيفاني برغم غموضي لسا صريح
لمين هنبوح انا وانتي باسرارنا؟
حلاوة روحك اللي باقية هنخسرها
كل الكلام حبيتو وتعلقت بيه..
بلاقيني ليه مكتوب عليا اني اخسرو؟
لا في حلمي شايف حلم اداري جروحي فيه
ولا لاقي راحة في ليل علشان اسهرو
لا ليا عزيز ولا غالي..
بنادي وصوتي بيعاني
لمحتك واقفة قدامي
مليش حق اني اقربلك
لا في غيرك هيحلالي
وحتى لو انتي سيباني
اغني للبشر عنك
فجايز صوتي يوصلك
كان نفسي يطلعلي جناحات
واهرب بعيد..
لمكان مافيه وجع ولا فيه فراق
لكن بخاف لاحس بخوف جديد
ولا البراح اللي في سمايا عليا ضاق
التعليقات