مساحة إعلانية
ياعروس بحرنا رانا مقهورين
ياعروس بحرنا وعليك العين
سيوله مافيش .. ضي يهرب مايجيش
تعبنا وفدينا ... رانا تعبانين
مالهم عينا .. ومعادش قااادرين
....
عمرك مااتسقمتي من يومك فالهم تكري
ياعروسه الدعوا فالظالم وان شاء الله مالهم تمري
احزان تجري همك ساكن عين ولادك
كمشه لوص عالكرسي تعافر مافيش واحد فيهم فادك
واني الي تابت فترابك بعفار هموم
واهو شاد حروف نعبر بلسان السته مليون
همومك فصدور ياعروسه بالسالب فكري
ماتلوميش ولادك تعبو خسرو تريس لي ماتو بكري
ربحوها الي خنبو بكري خلونا وعنستي ياعروس
حتا ليلك شاحب لونه وناسك راجو الخير ينوش
وان شاء الله ينوش لان الظرف مولي سبر
لان الهم مولي جبر .. لان الراحه ولت قبر
ومايشوفوش لولدك لي تحت الجذر
كلها تريش تبي الكاش وحطو اسمك تحت الحظر
ولينا الصبر مسحنا دموعك قبل تجف
ولادك ضمادين جروحك لان العين عليك ترف
...
ياعروس بحرنا رانا مقهورين
ياعروس بحرنا وعليك العين
سيوله مافيش .. ضي يهرب مايجيش
تعبنا وفدينا ... رانا تعبانين
مالهم عينا .. ومعادش قااادرين
...
وجهك شاحب اصفر لونك زي العاده
بكتي وحتا حلقك جف مافيش ولا حكومه رواته
ولدك شن جابه للهجره والموجه خداته
وصلنا وقت الغربه تنشد خير ظروفه لزاته
صعبه لنم العيشه فيك سامحيني نقولك
عايش وصابر والهم مخليني المايك نزورلك
كبرنا والعمر يمر وشفنا فعالي غولتك
ساكت نتأمل زينك فولادك وهكي قولتك
وعلي قولتهم خيرك صب فجيب الغير
والي عارض مات مشي ورسمو بينا خطة سير
حادينا الطير طمعنا زيه فرحة تزو
تتسقم عيشتنا وتهني وننسو وقفت الطابور
قبور نزور .. وعيوني دمعه كارها
والي شافك طول يسألني عروستكم غير شليطرالها
همك مقسوم علينا وشاب الراس ياحنينه
تقعد العروسه ولاده فعز شيانتها قنينه
...
ياعروس بحرنا رانا مقهورين
ياعروس بحرنااااا
هجرا فالبحر ولادك ضايعين
بناتك يشوفو مش قادرين
ياليبيا ياليبيا .. رانا تعبانين
روفي بحالنا شوي احنا مضطهدين
تعبنا وفدينا .. رانا تعبانين .. مالهم عينا ومعادش قادرين
التعليقات