مساحة إعلانية
عيني يالالني ….الله ايبارك و ايهني
و حفلاتي تغني.... و حنّة ڤابس في الايد
****
البارح فاتحتي.... يالميمة فرحتي
و العرس زغاريد
جاني شريك حياتي.... الفرح صار مواتي
والليلة عندي عيد
٠٠٠٠٠
عيني يالالني ….الله ايبارك و ايهني
و حفلاتي تغني.... و حنّة ڤابس في الايد
****
و هيا جيبولي الغنايا.... نسمع صوت الدربكات
أمي و بابا بحذايا.... واْختي ترقص يا حوّات
دورلي الفزاني دور.... في ايديا مشموم منوّر
و هيا صوّر يا مصوّر.... بحذايا خويا الصنديد
٠٠٠٠٠
عيني يالالني ….الله ايبارك و ايهني
و حفلاتي تغني.... و حنّة ڤابس في الايد
****
جيبولي الخيل و الخيالة.... و اْهلي تنصبلي الخيام
في عرسي تزهى الحفالة....رڤصة للفجر البسام
مع الحولي نلبس لخلال.... و بالحنة و رنّ الخلخال
ليلة تبقالي في البال....نرڤص و الصبّات جديد
٠٠٠٠٠
عيني يالالني ….الله ايبارك و ايهني
و حفلاتي تغني.... و حنّة ڤابس في الايد
****
نتمنى حنة و تصديرة.... ليلة بالفرقة الشعبيّة
و تصويرة وراها تصويرة.... و مڤياس ايهبّل في ايدية
و غدوة نركب عالكاليس.... و مرواحي بليلة الخميس
فرحانة بجنبي العريس.... و يا ربي نبكّر بوليد
٠٠٠٠٠
عيني يالالني ….الله ايبارك و ايهني
و حفلاتي تغني.... و حنّة ڤابس في الايد
التعليقات