مساحة إعلانية
في الحرب انا المهزوم قلبي ازاز و كلامهم شوم
هقولها للمرة المليون محدش في البشر هيدوم
و انا بقيت موهوم و بكلم ناس ملهاش وجود
افتكروني مبسوط و انا كل يوم بدعي اموت
يارب تعبت و لو دي حرب فـ خلاص استسلمت
مشافوش الدنيا جايه عليا شافوني حزين علي بت
بقيت دلوقتي ماضي كان حب اي ! ده في الافلام
فقدت الفرحة لا و كمان حضنك اللي كان امان
يا سلام يعني حلال ليكي الفرح اما ليا لأ
يعني تغلطي في حقي و كمان يبقي ليكي الحق!!
فعلاً ليكي الحق عشان استاهل عشان بتساهل
كلامي مهوش بالساهل اتجهالتني و قالت جاهل
قاتلتني و قالت جاهد مش عارف اي وداني تجاهك
كان زمانا لسه سوا لولا تنشيف دماغك
طنشتي لما كنت بموت قدامك فـ الندالة مقامك
و انتي اشبعي بمالك شوفي مين غيري هيقولك مالك
حياتي تتلخص في حلقة الاوضة ضلمة حالكة
خدها مني نصيحة يا صحبي مفيش واحدة سالكة
قوم و عافر حبه خلاص فاضل علي حلمك تكه
حياتك مش هتقف علي واحدة انجس من كلبة
لسه حزين لهسه و البعيدة مكنتش حاسة
مريض محتاج لجلسة عشت ملاك وسط ابالسه
قيدت صوابعي الخمسة بدي طيبة لواحدة جاحدة
لي بعدك عدي سنين مع انها سنة واحدة!
فرحي كان سراب قرايب من نسل الاغراب
قلبي كان لعبة في اديهم لعبو بقلبي كورة شراب
قلبي في بحر و كله صاد فـ انا هعتبرو عقاب
اديتك حب كـ الامطار و اللي شوفته كان ضباب
كان عندي اعتقاد اني هتعامل بنفس بمعاملتي
كنت بحاول اسعدك مع انك كنتي بتموتي
فـ المرادي انا اللي هموت اي غلطة مش هفوت
و انا مش بفول بس لو رجعت هرجع زي الاول
في مين بتغيظي ؟ مشيت ف يلا هيصي
حلمي متحققش الحاجة اللي اتحققت كانت كوابيسي
فـ انا مش هنام النهاردة نصيبي اكون مـ المرضي
نصيبي و هرضي اتكلم فـ تصديني زيك زي العارضة
خديني في حضنك ضمي انا محتاجلك يا امي
رضا ابويا و امي دي الحاجة الوحيدة اللي هتدملي
شاكر ليكو و ممتن شجعتوني اقدم فن
ابويا هو سندي و امي مش هلاقي غيرها احن
التعليقات