مساحة إعلانية
شهيق
زفير
شهيق
زفير
و بين الاتنين في ناس بتيجي عالدنيا
وناس بتموت
في ناس بتئن و بتتوجع من المرض
في ناس فارقت ناس بتحبها
و ناس ودعت ناس غصب عنها
و ناس الله يعينها
الفيها كافيها
مافي حد بالدنيا سعادته كاملة
الا ما تيجي ناقصة
يا بصحتها يا برزقتها و يا بناس غدرتها
يا بخيبة و را خيبة ورا خيبة
يا بفشل بالدراسة أو بالطموح و الاحلام أو بالحب
و ربي يجعلها اكبر الهموم
أو بعيلة تفككت بسبب موقف بايخ
أو بالوطن
لاجيء بين البحور
مغصوب طلع من بلده المكسور
بدور سقف يؤويه من برد ليله
ع لقمة تشبعه ع أمان يمحي خوفو
عحضن دافي يعوضه من المآسي و الويل
ع حد يسند ظهرو عليه و يشد الحيل
الغربة كلها كربة مليانة هم فيها غم
ترى الغربة مش ورد وفل
الغربة ديقة و زل
ايامنا الصار الها تجاعيد و سوداوية
يا ريتها
يا ريتها زي أحلامنا حلوة ووردية
حتى العصفور الي عالغصن اليابس
بطل يغرد من هالوضع العابس
كل واحد على همو الله يعينو
و انت اللي بتسمع
اذا بعدك بتتنفس
صحتك تمام
عايش بأمان
وطنك بسلام
اهلك و أحبابك بخير
راضي مع انك فقير
اشكر ربك باليوم مليون
و الباقي صدقني بيهون
التعليقات