مساحة إعلانية
Ballshet bi walad zghir, bas rou7o tabdou 3ati2a
Maktebla hal 3ishe t3id, mesh bi ido hal mashi2a
Madiha l zaher shani3, mana3a tes3ad, tetra22a
Ma 3am le2e gher tefsir lhal zolme l 3am bedfa3 7a22a
Ka2anna bi gher 7ayet sheb3et mnel medde wel mazhar
Bardou ta tle2e l kamel majboura bniran l mat-har
Majboura t2abde3 w tenja7, yokbar ta yenkeser rasa
Ta lamma tekhzal, tefshal ykoun metda3af asasa
Mesh daroure 3a2lo yefham, aghlata men gher wi3e2
Lezem tothar lezem tendam, kel wa7ad lou emti7en
Eman, men heik tkabbar, enno ma 7ada fi 3lei
Ta tdammer rejjel mjalmad daww2o l 7obb w ashto yeh
Byofrot sakhro ka foutet, byendam kif tjarra2 7elem
Eza fe3lan ma3ha met, shou l tale3 men ta7t l radem?
Aya 3an2a aw phinik? Hayde l 3atme bjesmo 7ayye
Fehem Kayin w Hebil, bas ente ndahtello: khayye
La ba2 7ada ma3e y7ewel… Eltellkon ma fi 7iwar
Kif moumken totlob men wafa yetfawad ma3 ghadr w 3ar?
L arar ttekhad w thandas: n7ese bkell dam3a nzarfet
3a ideh (hayde 3a2ideh). T7awwal jette ba3d ma 3erfet
Kasaman bel khebze li 2samta ma3 eskharyoute ma nta7ar
Hal seif mesh sheylo men dahre gher ta bwarido yen7ashar
Men bashar mesh taleb 7asra… Bi ide bjib l ensaf
Sammi3te kento la fatra... Sorto Kerse l E3tiraf
Ana mbakkar eja 7sebe: walad b2ajmal 7elleto
Rekez w shtarela khetem, ma dere mtabba2 me3neto
W tbaddal bi khetem tene: khetem 3ahd l ejtineb
Bebo nouraneh w sawdewe. Lei tarkoulo ghayro beb?
Khebra ma ken bedde yeha.. Ouwwe kent mestaghne 3anna..
L dene de2et kell 7aleha, bas ma adrakta gher lamma
3youne shefet nour rakkazto 3am yetfasha w totgha l 3atme
Hayda l haram li 7assanto… L 3ein li faw2o sabetne
Salbetne 3youn m2allaha, bedda tetrattab mnedmou3e
3tita menne la tosna3a, emet kasreta la dlou3e!
Ra7 7abbez hal nour l khefe. Ra7 erja3 zek l ensen
Ra7 rajje3 damireh ghefe. Ra7 dinon, kawne menden
Kent 3ene, w ba3le madroum ken anja2 beddo sharara
Ken3ene, nasle mal3oun l ossa btettallab ashrara
Ya Baalbak srokhe la sidik, oulilo en l awen
Ya Jbayl ndahe la jdoudik, arrab wa2t l tawafen
“Haymana” ma fhemta bwa2ta, antajta ma kabl l ghader
Kif ktabet serr l 2awme abl l wa23a bkaza shaher?
Mesh ana l 3abbeit wre2e, ken wa7e lal beddo ysir
Washwashetne yeh maleke, w 7arrakle alame l Zir
Ba3ref mesh mafhoumeh ktir, asdan met7affaz w mbele
B3omre ktabet l kell l nes, hayde maktoube l2amtele;
Ta khmireta bass t3ish, tetkhatta l ossa w asasa
Khalle mou3enete bwa7ya la mou7bat ta3te khoulasa:
Law mesh eshe3, mannak wa7dak berroghm men kel l waja3
Ne7na ktar w kellna 7addak bas 3al zolme ma mnen2asha3
L ma byeshbahouna ya batal, mennon mesh talbin l ra2fe…
Ana 2belak akbar matal enno l kel wa23a fi wa2fe
Lbod ejrak bel ared… 23od 3a kerse l majed
Khod men li akhad mennak, shou bteswa l 3ishe bla 3ared
Srod nassak bi fared…… Smod ma tiy2as ba3ed…
Ba3d l bared jeye l dafa w shou houwwe l dafa bla l bared
Thour! Ntofed 3al lajem. Four! Ma torda b7atem
Nour hal ared bidekhlak.. w shou byeswa l nour bla l 3atem
“Nsour jeye 3al la7em… 2bour je3et 3al 3adem”
7abbez hal 3atme l jouwwetak.. Bel 3atme byelma3 l najem.
التعليقات