كلمات اغنية أحمد نجاتي – قانون الدنيا الساخر

بُص و دوّر جُوة حياتك

تِلقى قانون الدُنيا الساخِر ..

لمّا الحاجة بتبدأ عادي

مبتحلوّش غير في الآخر

زي أما إنت بتعشق مثلاً

آخر شفطة في مَج الشاي

زي نهاية لحن حزايني

لما بتسمع صوت الناي ..

بُص و دوّر جُوة حياتك

تِلقى قانون الدُنيا الساخِر ..

لمّا الحاجة بتبدأ عادي

مبتحلوّش غير في الآخر

لما قُعاد القهوة بيحلَى

وسط الشِلة فـ آخر اليوم ..

زي ما ريحة الأكل تِشِدَك

آخر ساعة فـ وقت الصوم ..

حتى النوم مبيحلوّش

غير لما بتيجي تقوم..

بُص و دوّر جُوة حياتك

تِلقى قانون الدُنيا الساخِر

لمّا الحاجة بتبدأ عادي

مبتحلوّش غير في الآخر

زي أما إنت بتعشق مثلاً

آخر شفطة في مَج الشاي

زي نهاية لحن حزايني

لما بتسمع صوت الناي

لما قُعاد القهوة بيحلَى

وسط الشِلة فـ آخر اليوم ..

زي ما ريحة الأكل تِشِدَك

آخر ساعة فـ وقت الصوم

يبقى قانون الدُنيا الساخِر

إن حلاوة الحاجة أواخِر ..

يعني الحاجة بتبدأ عادي

و متحلوِّش غير في الآخر ..