مساحة إعلانية
اسمع مني و ركّز كل شي تغيّر يا زعيم
الشعب هو جابك و بإيدو الموت الرحيم
ثورة على الرايق بس بتدايق كل متكبّر
مفكر حالو كالالٰه وعلى عرشه متجبّر
كلنا يعني كلنا قلنا كلّن يعني كلّن
سرنا ثرنا حتى صرنا خطرًا على خطتكم
في إلنا عندكم مصاري سرقتوها فردوها
في إلنا عندكم كرامة بأرض الوطن مسحتوها
منقطع كل رأسمالي الشعب بميل وهو بماله
خرب البلد و الطائفة طاف مجرور مصدر أمواله
الليرة عم تنهار بلا شراب ميتها بتستقر
الدولا صار بنهار متل الضمير المستتر
غدرتم بالعطار و علاء سفكتم دمهُ
الشعب إذا جاع .. يأكل حكامهُ
شعبي بارع و يصارع لا يسارع بالذرائع
فكره واسع اسمه لامع لتكون نافع ما تكون تابع
————
صوت الثورة ما رح تكتم حتى لو نزّلتوا كلاب
السلطة حقنا ما رح تاكل لو بتفلتوا بوجنا دياب
ثورتنا بدها مجلّد ... ما بكفيها كِتاب
تاريخنا عم نغيره شغلتنا هلأ كُتّاب
————
بس تتخلع ثوب الطايفة .. انتبه تاخد برد
أرض بلادي كلها شوك ... متل المشتل بلا ورد
عنا مستشفيات بدا مشفى لتشفيها
كنائس وجوامع ذهب حتى يصلّوا عليك فيها
ثورة ع رجال الدين ... ثورة على الطائفة
ثورة ع رجال الدَين .. ثورة للنضافة
بدنا نسقط حكم المصرف يلي مص وما رف عيونه
ما خلّو بجيابنا عملة والبلد بزيدوا ديونه
الشعب لا يريد .. إسقاط النظام
بل الشعب يريد .. تغيير النظام
نزلت تدافع عن زعيمك! طب معلمك هلأ وين؟
تعلم وتحكم بالخارج وعن وضعك منّو سألان
بخوفونا باسم الدين بجيشونا نواجه بعض
برجعونا ورا سنين بدن حرب مرة بعد
شعبي قام حقًا قام وكان ليلٌ مجيد
١٧ تشرين الأول صرنا أحرار مش عبيد
التعليقات