مساحة إعلانية
زي انهاردة من عام
كُنا صُحبة
كُنا احباب
كًُنا تمام
زي انهاردة من عام
كُنا بنقول هنكمل سوا
ومش هتفرقنا الايام
زي انهاردة من عام
ما كناش عارفين
بسرعة هتجري الايام
ونقول ياريتنا كنا
زي انهاردة من عام
مر عام
امر عام
مر مايوصفهوش كلام
وحشتيني
ويعز عليا اننا نبقى بعيد
واحلم بعدك بحب جديد
…
ماتيجي نرجع
وكأن ماحصلش بينا حاجة
لو حد فينا زعل التاني
البعد اديه عمل فينا كل حاجة
مالك
مااتفقناش قي البعد هيكون كده حالك
ماكنش اتفاقنا انك توحشيني
..
ما بوحشهاش
وفي الغالب مش هوحشها
طيب سيبك مني
انا لما الذكري بتقابلني
الاقي الدمعة هربت مني
مبروك
سمعت انك حبيبتي جديد
وعملتي بالنصيحة
اظن اجابة نرجع دلوقتي بقت صريحة
و يسألوك ..
ف تقول مفيش حاجه ..
دي كانت مجرد حاله
دي حتي كانت اعصابها تلاجه
يقولولك دي حبت جديد
عمرك معاها يتعاد و بالتحديد
يوم ما اتقابلتوا ..
ف تشوفه هو مكانك
لـ لحظه يخونك احساسك
و قبل ما تسأل هو مين ..
تقول اوام ..
هي في اللي انا حبتهم
كانت مين .. ؟!
اخر الاخبار
زي اولها
سيبتها بقالي قد ايه
وكأني لسه سايبها
بقوم من نومي امسك تليفوني اكلمها
وبلمحها
بلمحها كتير قدام عيني
مشتاق ليها كما الطفل لما يشتاق لامه
تحن عليه لحظة شتاته وتضمه
بتكلم جد
انا حيلي اتهد
هنام واصحى احسن
ده اللي بقوله لنفسي لما بحزن
لسه الليل انتي صاحبته
لسه القلب انتي غصته
لسه الوجع انتي دواه
وجع العمر انتي اقساه
خليتك ملكة على عرش قلبي
وقولتلك كل الناس رايداني
لكني رايدك وانتي ماردتيش
بعدتي وقلتي مش راجعة
تحرمي عليا ف حد الله ما ترجعيش
التعليقات