مساحة إعلانية
920x160
تواصل معنا
دورت عليه بين الوشوش
سنين وبرضو ملقيتوش
بعمل قصاد الناس ناسيه
مع اني فاكره مانسيتوش
بكرر كل يوم واعيد
هييجي يوم وانساه اكيد
قولت الوجع فتره ويروح
بس الوجع عمال يزيد
بقول للناس بشوف غيره
وقلبي مش شايف غيره
وحشني كل تفاصيله
وحشني سكوته وكلامه
بقول بنفسي مستكفي
بخاف في يوم يبان ضعفي
ياروحي امتي هتخفي
وتنسي كل ايامه
سوال وبسأل نفسي بيه
هكمل بعده ازاي وليه
سألاني روحي هو فين
عشان بجد روحي فيه
كل اللي جرب الفراق
هيقدر معني الاشتياق
الفرق بين الناس وبيني
فرق اللي سامع من اللي داق
بقول للناس بشوف غيره
وقلبي مش شايف غيره
وحشني كل تفاصيله
وحشني سكوته وكلامه
بقول بنفسي مستكفي
بخاف في يوم يبان ضعفي
ياروحي امتي هتخفي
وتنسي كل ايامه
التعليقات