مساحة إعلانية
ماكو بالدنيا بعد مثلك حبيب
واني بغيابك احس روحي غريب
يا نصيبي الراح وين الگه النصيب
ووين راح الگه مثل گلبك حنين
عيني مانامت ولا شافت وراك
وگلبي متخبل ولا لحظة نساك
چنت واعدني تضل مدري شجاك
رحت عني وضيعت عشرة سنين
دارت الدنيا عليا ووكتي دار
اللي ماصاير ابد عليا صار
ابچي وبدمعي احس مشتعلة نار
وين راح ارتاح بعدك گلي وين
باوع ابوجهي حبيبي وگلي ليش
جارحك اني ابشنو اماذيك بيش
تدري بفراگك صعب اگدر اعيش
هيچ عندك سهل من تنسى وتعوف
ضلمة دنياتي ولا بيها ضوه
اتگول واحد شال من صدري الهوه
لك كون نرجع ولوو بس لحظة سوه
ومنك اخذ حظنه واشبع بيك شوف
راحت ماترجع بعد ايامي لا
وحبي ذاك التعبك گلبك نساه
يلي حبك مايجي اي حب وراه
انت زين واني ابشرك ابچي زين
اهواي احن الشوفتك وابچي عليك
اوف واتمنى تجي والمس ايديك
يلي احلى اشياء حطهن ربي بيك
وين اودي اهمومي بعدك ووين اروح
كون تطلع مو صدگ هالفرگة هاي
وكون افز امن الحلم والگاك جاي
وياك احس حتى الگمر مو مستواي
وكلشي بالدنيا الك فدوة يروح
ضاگت والتفت عليا الفرگه حيل
روحي ماترتاح من ايمرني ليل
اتخيل انذليتلك واني الثگيل
وبدل ما اكرهك گلت الله يعين
التعليقات