مساحة إعلانية
920x160
تواصل معنا
متنحنيش ولا تنكسر
ولا تبكي عمرك ع اللي راح
وارمي ورا ضهرك وعيش
في الدنيا متطمن مرتاح
المر لو عكر حياتك ابلعه
والحزن لو زودها حبة امنعه
والجرح خليك اذكى منه واخدعه
خليك في وش الريح وتد
واليأس واجهه وضيعه
بلاش تسلم للدموع ابدا عينيك
وانسى اللي كان جنبك
وكان دايما ناسيك
فتح وشوف ايه اللي ليك وايه عليك
واياك تطاوع الغرور وتقول انا
الحزن لو ملكته منك يكسبك
والخوف في قلبك شيله قبل ما يركبك
وكفاية ذل الدينا فيك بيأدبك
خليها على ملك الملوك ربنا
التعليقات