مساحة إعلانية
هاتو اخركو انا قاعد اتفرج
دانا مصدوم والله ما بهرج
اعضاء جسمى بقت تتصورج
لما خلاص منكم جضيت
كلو عليا انا مين ويايا
بتحبونى مش واكله معايا
بتحطونى فى الف حكايه
من افعالكو ياناس مليت
جالى كابوس فى منامى فوقنى
قللى الصوحبه دى بتغرقنى
ياما قولت محدش صدقنى
شفت انا منهم مليون فصل
حاجه غريبه ومش طبيعيه
ياكلو معايا ويغدرو بيا
ناقصين قالو انا فيا وفيا
دايره بكاسه وقلة أصل
اخ رجوله مش عايز ١٠٠
وقت الشده يكون جمبيه
افخم مسا علشان الغالى
اسلام الشيخ وزير الحنيه
ابو ياذيد معروف عزوتنا
دا اللى مشرف يابا حتتنا
على مبدأو ومبيجليش
من اجلو كل الناس حبتنا
اخوات مين انا مبخرفش
كلها طفش و متشرفش
مش قد اللقمه متطفحش
كولها فى بيتكم لو هتخون
كلو فى وشك اخوك وحبيبك
تديلو ضهرك انت ونصيبك
ياصاحبى دانا ختك على عيبك
فكرتك منى وهتصون
يلا فى داهيه اللى يزعلنى
مين فيكم كان حن وشالنى
نفسى واحد فيكم يسألنى
وانا أسمعو لو قدام مين
صالح اتغير مبقاش صالح
غش × غش ودايره مصالح
صوحبه سقيتنى مرارها الطافح
انتو اكيد مش بنى ادمين
شجر العشم طرح خوازيق
مبقتش شايف جمبى صديق
بطولى همشى فى اى طريق
غيابكو عمرو ما هيخسر
ياصاحبى يالى نكرت جميلى
مثيرها تحلو وهتجيلى
ساعتها اقولك روح يازميلى
صدقنى بكره هتتحصر
مبدأكو من الأول رافضو
انا خدت ايه منكم وصرفتو
دا المجهول فيكم وظفتو
بين الخلق عملتلو أسم
كنت عامل نفسى معديه
صيطتكو وسط البشريه
مسكتكو أحلى النقديه
دلوقتى انا بتعامل خصم
قولتو خمورجى وهربانه منو
كل مايسكر يحضر جنو
من امتى فى ضهرى بتحنو
دانا بشرب من كتر الهم
انتو ملايكه طب الله يعينكو
حوشو السبحه هتفلت منكو
يلا أهى خلصت بينى وبينكو
دانتو مفيش تقدير ولا دم
عشت حياتى بعلى انا فيكو
كنت معاكو بقلبى شاريكو
بس القرش مغمى عنيكو
مش جدعان شايفننى جنيه
كنت حاسبها معاكم واحد
عمرى ماكنت انانى وجاحد
بقا دلوقتى عيشتكو ارتاحت
والمبدأ بتدوسو عليه
شنطة يورو على اللى يغورو
كلو عويل فى غيابو وحضورو
كلو عايشلى فى دور مش دورو
عمرى فى يوم ما اعطل على حد
انا بطلت اعرف اشكالكو
يالى النقص تملى فى بالكو
انتو الخيانه نشاط امثالكو
قعدتكو متشرفش بجد
انا فى العادى أحمد كالعاده
وقت المصالح ببقا حماده
عشان جدع بتعب بذياده
لكن خلاص بطلت الحب
من النهارده هشوف مصلحتى
هكون لنفسى واعيشها براحتى
ياناس شمال بتقلو فى راحتى
لحد كدا فارقونى اس
التعليقات