مساحة إعلانية
قتلونا بالنفاق الضحكة الصفرة و الغدر
حتى العشير جبرتو موراضهري كيهضر
معرفتش علاش الشر يحفر وقلب مكوي
دنوبي فحال شي جوانة وهو باقي فيها يلوي
أصحبي قطع حسن لك صومني و سلك
دخل فجواك سمع للقطرة لي كتشوك
بنادم مبغيش نعيشو هانيين
بنادم باغي يشوف دموع الواليدين
علمتني الدنيا منتيق فمن والا
علمتني كيف نفرق بين سبوعَة و الحوالة
علمتني كيف نشم الريحة ديال لغدر
نعرف لي قلبو صافي ولي وجهو صفر
شحل قدك متيق فصديق و غير ندور يكويك
شحال قدي منقصح فيك تخوني وترطاب
واخا كنقول مغنتيق لا فبنادم لا فكلاب
شحال قدي نقباح وتبقى نتا المصواب
كل ماكنحس مرتاح كيبدا من جديد لعذاب
وياما زرعت ورود وشكروني بالشوك وزادو
كنرد بالي مع هادوك كيجيني السم من هادو
هادو بغاو دموعي تسيل ماشي مستحيل
ياك انا غير بنادم جيت فوقت هاد الجيل
مشيت ميل ميل فالنهار و فالليل
مشكيلي مواويل من شعر طويل
وما الواقع جميل ما انا لي خايب
انا غير باقي صغير ولون مخي شايب
شايب بالتفكير اولا حيت القلب طايب
طايب ومعصور عصير ومن شي تيقة تايب
ومونس بلساني وناسي لي نساني خليوني… خليوني
خليوني… مسامح لي كواني فرسني وكلاني
خليوني وبقاو حسن بعاد على حزاني… خليوني
خليوني… خلواني فكواني وحداني
ومونس بلساني وناسي لي نساني خليوني… خليوني
خليوني… مسامح لي كواني فرسني وكلاني
خليوني وبقاو حسن بعاد على حزاني… خليوني
لي عمل شي بليزير كيعملو إشهار
إشاعات ودرايم خارجين كل نهار
بيتي وسط الدار وبنادم غير كيهدار
وحياتي فحال شي غيتار فيه 66وتار
فالكومة وحيد وغير الواليدة لي فبالي
مغوبش قنطان وبوحدي لي عارف مالي
فحال لي باغي نبكي مخنوق صدر ديالي
كنبغي نوقف والركابي بجوج كيخواولي
عندي فيروس فالضوسي دالذكرايات
مسحلي شوية ومخليلي روايات
فيها لي ضاحك فيها لي باكي
فيها لي دابا ومعرفشي باقي
فيها لوراقي وحروب الزناقي
سرجم البيت لي كحلتو برواقي
را ماشي بخاطري والله ما بخاطري
اسمي دابا مطرش فالزناقي و الشمبري
صبورة موسخة خصها ممساحة
هاديك غير حياتي لي محتاجة للراحة
حيت مرضي بزاف يما سماحة
كوراني غارق دابا بين الشمبري و الساحة
فوقاش بكيت؟ وشحال من مرة
هبطت الڭوطة حارة ونظرة فيها حڭرة
لي فات فايت قلبي دابا مايت
عباد كتشفى وربي بوحدو لي غايت
ربييي …
لي عطاني هاد الهيبة وهاد الغرابة فالشخصية
حيت مكيعجبنيش النافق كيبان راسي عزيز عليا
تييق بيا كافيني لي فيا
جراحي باقا طرية
خليوني… خلواني فكواني وحداني
ومونس بلساني وناسي لي نساني خليوني… خليوني
خليوني… مسامح لي كواني فرسني وكلاني
خليوني وبقاو حسن بعاد على حزاني… خليوني
خليوني… خلواني فكواني وحداني
ومونس بلساني وناسي لي نساني خليوني… خليوني
خليوني… مسامح لي كواني فرسني وكلاني
خليوني وبقاو حسن بعاد على حزاني… خليوني
التعليقات