كلمات اغنية الشماس ريمون سليمان – ترنيمة إنت تطمن

١-إنت تطمن

إنت تأمن

إنت فنار لو يوم أنا تهت

إنت سفينة

مدينة حصينة

إنت المينا مهما بعدت

ولو كل الدنيا سبتني

إنت مدينتي وأنت الحصن

ولو كل الناس ظلمتني

ألاقيك دايماً أب يحن

٢-إنت معايا

إنت حمايا

إنت رجايا في عز اليأس

بتشجعني

وبتسمعني

بتسميني جبار بأس

ولو مرضي إتملك مني

إنت شفايا إن عجز الطب

ولو الأصحاب بعدت عني

إنت صديقي وأعظم أب

٣-إنت إلهي

ينبوع صافي

حضن دافي أمين ومعين

دايماً جنبي

بتغفر ذنبي

بتشبع قلبي وزيك مين

ولو حتى الكل خانوني

لوحدي سابوني في عز الجرح

لو الدمع بيملي عيوني

تفضل إنت الدوا والفرح

٤-إنت الراعي

إنت شراعي

وبتهديني إن هاج البحر

إنت فدتني

ليك ضمتني

حُبك أحلى قصيدة شعر

ولو إبليس يوم شككني

إن خلاصي ده حلم وراح

يفضّل موتك عني ضامني

حبك ليّ أقوي سلاح