مساحة إعلانية
ما كنت خلاص آمنت إن اللي جي أسود أطران
يومي هوا هوا دايما قرفان
أصلي في مزاد الدنيا دايما خسران
في اللي خان و في إللي رباني كان
ديكتاتور ملوش أمان
و في اللي حبت الحريه وقت ما أنا حبتها هي
خلاص مبقتش عارف العيب فيهم و لا فيا
و الحقيقة هي مكانش ليا
غير أميره في ضهري رافضه تخلي بيا
في وسط الكلام دعوه يارب أحفظها ليا
أنا كنت تايه داير ماشي في دواير
في أمري دايما مستعجل و حاير
هادي من بره أه لكن من جوا فاير
و رغم احتياجي لقشه رافض كل البشاير
عاشق لروحي عشان ألف مره تموت
و رغم كده روح ملك غير قابلة للسقوط
أنا اغرب واحد في حياتك ممكن تشوفيه
أنا أسهل واحد في حياتك ممكن تسبيه
أنا أصعب واحد في حياتك ممكن تنسيه
أنا أكتر واحد في حياتك في ضهرك تلاقيه
و في مره سارح بوحده و لذة في الملكوت
و ما بين زحمة حياتي ششش لحظة سكوت
شوفت فيها عيون بشر معموله من الياقوت
كله بيتكلم اه بس أنا مش سامع غيرها صوت
ساعتها بس مفرقش معايا إن العمر يفوت
مش يمكن ده الحب اللي عشانه ملوك تموت
بغني لأن صوتك في وداني أجمل ألحان
يا لحوه مبتنتهيش ما يكفيها ألوان
لقيت معاكي ألف معنى لكلمة صدفة
خلتيني أشوف ألف لون و لون لبكره
طول عمري بعشق أصغر تفصيله
و أنتي أصغر حاجه فيكي بنسبالي كبيرة
صوتك جيتار في وداني بألحانه الهاديه
يا أحلي سكوت وسط قاعده كلام دايره
من غير ما أتكلم يا حلوه أنا ليكي مسلم
أنتي اللي ملاك الى شيطان زي منها يتعلم
أنا اغرب واحد في حياتك ممكن تشوفيه
أنا أسهل واحد في حياتك ممكن تسبيه
أنا أصعب واحد في حياتك ممكن تنسيه
أنا أكتر واحد في حياتك في ضهرك تلاقيه
لأول مرة بحس أني دايما كسبان
سباح و في عنيكي ميت غرقان
أه مليش في الكيف بس أنتي إدمان
طبيعي غيابك عني يدخلني في حالة جنان
بصي عايزك تنسى القدام
من غير تجريح مكنوش قد المقام
أنا الملك و عاشق ولهان
لو يخلص كل كلام الحب ما يخلص عنك أبدا الكلام
و برغم أن احنا في تصادم مستمر
أيامي في غيابك دايما بصعوبة تمر
أصل لو ساكنه الروح أزاي القلب ينساكي
أنا مش بحبك ….. أنا بهواكى
فاعذريني رافض أنك في ضعفي تشوفيني
أعذريني رافض أعترف أنك بتوحشيني
أخاف أقولها تمشي زي اللي كانوا و تسبيني
بصي مش لازم تفهميني ..أنا بس عايزك تعذريني
أنا اغرب واحد في حياتك ممكن تشوفيه
أنا أسهل واحد في حياتك ممكن تسبيه
أنا أصعب واحد في حياتك ممكن تنسيه
أنا أكتر واحد في حياتك في ضهرك تلاقيه
التعليقات