مساحة إعلانية
920x160
تواصل معنا
يا الرزين اللي تعاقب صاحبك بالغيبه
تحسب ان غيابك المشؤوم عنده عادي
والله اني بين ربعي لي وقار وهيبه
غير توك ما قدرت وما غديت قيادي
يالله بصبرٍ يجرد خافقي من طيبه
امتلك من بعده اعصابي ولين فوادي
من خيالٍ عرض بزوله ونفحة طيبه
لين قمت احس من فقده ماني بالهادي
انفهق حر النهار وزبنه في جيبه
وانبلج من غرته فصل الشتاء وانقادي
يستشكون العذارا فيه وتهذري به
زيّنه دكتور ولا زينه المعتادي
لو يفك العقد من جيده سهل تركيبه
في ضمارٍ تشتبك من فوقه الايادي
وان مشا كلن تفدا في حياة الشيبه
جعل جنات الخلود لمنكبيه مهادي
ابتسم له واتلذذ في كثر تعذيبه
ادري انّه في جروحي ماهو بمتمادي
اونس بغيبته ضيق اللي تمنى صيبه
لاح شيبه من حرارة ما وطاه وزادي
واترقب مثل عودٍ جر له ترحيبه
شايفٍ خيرة عياله من بطى وبعادي
التعليقات