كلمات اغنية ام تي ام – البطريق

شايف اللي ماشي دايخ و اللي كاره إنه سايق

و ميعادي في المعادي فاتني من عشر دقايق

أنا واكل شارب نايم بايت عايش على الطريق

مكتوب عليه أعيش بالتصوير البطيء

حاسس اني ماشي عامل زي طائر البطريق

كل حاجه حواليه بالتصوير البطيء

سلحفاه متأخرة دايماً بضرب مواعيد

حاسس اني بقيت عامل زي طائر البطريق

يوم الأربع و أنا متصربع و متأخر على المدير

الشارع فيه تكسير و مش طالبة تأخير

توك توك معدي جنبي بيلوكلوك و معلي الصب

كسر عشان يسبقني ..قام لابس في المطب

شباب مدارس.. واقف بيعاكس..

قالها الحلو خاسس.. قالتله فاكس..

و هوبا تاكسي داخل عكسي و قام خابتني دش..

كلمت مديري و روحت مقدم استقالتي وش

أنا نمت حلمت اني بطلت أغني راب

واقف على عربية كبدة و ببيع كفتة و كباب

كالعادة السكة واقفة ..كالعاده الدنيا زحمة..

و لو في خناقة ولا حادثة تبقى الناس كلها راشقه

ده فيلم توم اند جيري على الدائري وأنا متابع

اللي عامل مش سامع و اللي راكن صف سابع

ينفع كدة ؟ حتى في أحلامي حياتي مكعبلة

محتاح لمعجزة تحللي المشكلة