مساحة إعلانية
قاعدين يبصوا عليا ببجاحه وبالطريقة
شايفيين عيشتى معديه.. بس في الحقيقة
انا مش معايا فلوس
كله بيطلب مني ..بكسين وباردين
ها.. كله بيقولي هات
وانا مش معايا فلوس
العيشة دي صعبة.. وماشية بالزق
جيوبنا فاضيه.. من كتر النق
ودماغنه مشيت..وعقلنه شت
قربنه نشحت..والله بجد
دخلت في الاحباط
بسبب الاقساط
قولولي اعمل ايه
ماضي علي نفسي شيكات
كل شهرجمعية..بقت اجباري عليا
بدفعها كل شوية.. وبجد طالع عنيه
ده غير الايجار.. وكل سنه بعلي نار
كل يوم طافح المرار
نهاري ليل وليلي نهار
شقي وتعب ضيقة وقرف.. زهق ملل نكد مرض
قلق وجع سهر خنقة زنقه.. ضغط عالي وفرط
مغص الم قهر ارق.. صداع فكر عطش جوع
ده فقر قحط شحط محط.. زن زن انا موجوع
انا مش معايا فلوس .. انا مش معايا فلوس.. انا مش معايا فلوس كله
بيطلب مني ..بكسين وباردين
ها.. كله بيقولي هات
وانا مش معايا فلوس
انا شارب المر.. مش لاقي شغل
لو حته لقيت.. الكل يقر
من بعد ماكنت.. زي الفل
دلوقتي بقيت.. بشوف الذل
اكل وشرب مايه ونور
حاجة تخلي الدم يفور
داير في ساقية زي الثور.. حد يشوفلى يا ناس دكتور
ده مفيش اكتر من الطلبات.. حاجة في قمة الاستعباط
كل شوية واحد يدخل لي .. يقولي هات هات هات
ولما بشتري السجاير.. الفرط معايا اللي داير
امتي بقي تجيب علبة
وامشي بيها واتعاير
تلبفون والرصيد.. والباقة والتجديد
ولبس قديم.. نفسي البس جديد.. ومفيش فلوس
علشان الخروج.. جضيت مليت
انا هطفش من البيت..
انا مش معايا فلوس .. انا مش معايا فلوس.. انا مش معايا فلوس كله
بيطلب مني ..بكسين وباردين
ها.. كله بيقولي هات
وانا مش معايا فلوس
التعليقات