مساحة إعلانية
920x160
تواصل معنا
عجيب .. عجيب .. عجيب
عجيب حبك ضياه ساكن في روحي في كل تكويني
وبشتاقلك صحيح لكن ولا مرة وحشتيني
وتقولي حتوحشيني إزاي وصورتك نن في عيوني
ناديني أشق قلب الليل
وأكون فارس لأحلامك
ولو تاهت في ليلي الخيل
حجيلك برضه في منامك
وتقولي حتوحشيني إزاي
وصورتك نن في عيوني
ده موج البحر واخد وعد
يعود للبحر من تاني
وقلبي لو يتوه في البعد
يلاقي عينيكي عنواني
وتقولي حتوحشيني إزاي
وصورتك نن في عيوني
قالولي إزاي أنا حبيت
وحبك أصلي وكياني
وليه في الغربة ما حسيت
بإنك لحظة واحشاني
وتقولي حتوحشيني إزاي
وصورتك نن في عيوني
التعليقات