مساحة إعلانية
920x160
تواصل معنا
يا مرحبا يا فرحتي
والفٍ هلا يا غايتي
خلّك معي طول العمر
في حبّك ارفع رايتي
مجنون في حبّك نذر
ماهو حكي والّا هذر
بعدك ترى نار و جمر
لا تعتذر مبغى عذر
صوتك مثل وجهك حلو
بالذّات في قولة ( ألو )
تغمرني الدوخه غمر
وآطيح طيحه من علو
يابو عيون كنّها
الدرّ ويلي منّها
من زينها تدمر دمر
سبحان مبدع فنّها
واخدودك اللي من زهر
لا بيّن الصبح و ظهر
ازهور صفرا مع حمر
اللي على اضفاف النهر
يابو شعَر طايح كما
غيثٍ يهلّ مْن السما
من ريحة العود و سمر
عطره على عطرك زما
زين الاجانب و العرب
اقرب يَ اطلق من قرب
وآمر على بوحي امر
والعب على قافي طرب
ماحبّ غيرك فالملا
من زود حبّك والغلا
لو مشبهك قدمي يمر
ماهوب مثلك لا و لا
التعليقات