كلمات اغنية جاوي – عطشان يا زينه

..درويش..درويش مينطقش الا الله حي

..عطشان و كب الصبر مره سقاه

..ربك و عالم حمل ايها حي

..لولا انه عارفه صبور مكنش باله

..عطشان يا زينة اسقيني من ريقك

..وأرمي حبال الحمل على كتفي

..والله براح الكون ده ما يكفّي

..كان خاطري أطول قلب السما بكفي

..شحات يا قلب الليل يا غنيوة

..مروية ارض النيل بدم الخلق

..حنضل تدوسه الرجل يأذي الحلق

..رغم المرار مزحوم يا باب الخلق

..كفرانة ليه يا عيون يا دبلانة

..حنت ايديك ع الفاس وجف الطين

..حتماً تبات الولد قلقانة

..مادام امام الحق مرمي سجين

..كام مرة دق الباب ولا فتحتيش

..عنباتك اليابسات مبتشبعش

..حضنك صبح ضيق مابيساعنيش

..كفن الغريب ف القبر مايدفيش

..عشمان يا زينة ليه ترُديني

..قالوا زمان ان القدر سياف

..ياما ناديت للحرب عديني

..كان قلبي يومها حديد ولابيخاف

..كفرانة ليه يا عيون يا دبلانة

..حنت ايديك ع الفاس وجف الطين

..حتماً تبات الولد قلقانة

..مادام امام الحق مرمي سجين

..بزيادة لمي الدمع ملا حجرك

..نادي الصبايا وغني فيهم خوف

..كل الوجع والحزن يشبهلك

..انساكي كيف يا زينة وانتي الشوف