كلمات اغنية حسين الجسمي – لبيه

لبيه لبيه ياللي وحدك إن قلت لبيـه

يذبحني لبيهك ويذبحني الصوت

وإن طاح قلبي ميتن فيك خليه

ياحي قلبن طاح وياحيه الموت

ماقلت أحبك لأجل وقتي أسليه

لا لا والذي نجى نبيه من الحوت

والحب لو هو سر واقدر اخبيه

ما قلت احبك حتى وشفاهي سكــوت

لي ناظرن ماغير شخصك يمليـه

كأنك دواي وشوفتك طب منعوت

وان ضاق بالي أذكر اسمك واغنيه

واتخيلك عل وعسى طيفك يفوت

اهواك وهمي كيف قلبك اهنيه

من كثر ما اسمك في هالقلب منحـوت

حتى الخطا لو جاني منك امشيه

وان ما مشى أخلق له اعذار وثبوت

وش الذي يخطر في بالك واسويه

لو حتى في وسط البحر ابني بيوت

ياللي البحر لو جا في بالك تحليه

مريت صوبه وامتلأ سكر وتوت

لبيه ياللي لو طلبني ألبيه للعاصمه

حافي ولو دربه خبوت

لين اندهك يافلان واتقول لبيه

واطيـح من طولي و يذبحني الصوت