مساحة إعلانية
أنا ما مليت
لكن من ظلامك خايف
انا ما اتخليت
لكن معمي بس ما شايف
ماشي في طريقي
ما بسمع كلامهم هايف
بحارب فيك
بس بحارب مين ما عارف
سلام الله للخرطوم
قلبو الخرطوم غزة
حليم حركلي قالي تعال نعاتب عزة فا
ما كنتي وطن يا عزة
منو النساكي لو الموت بخلي ابوي عايش
لبسوني الكاكي فا
ضحكة طفلة كانت بتنسينا المجازر
الود خريج لكن زافنوا للمقابر
صوت الدانة حار صوت الكمان بكاي
احضني يا قبر حضن الوطن قساي
سامحني يابا
مرات اتجنن اقلب البلد خرابة
وعمرو ما شفنا الكلاب بتحكم غابة
تضحك معاك ومن وراك تشوف انيابها
كلو فداء الوطن ياخ وما علينا
اكبر سفينا في بورتسودان
تقف في الميناء
شايلة القبايل كلها وترسي بينا
فداء الوطن وما علينا
اتذكرتيني يا قمرية
كلاب عزة بتنهش فيني يا قمرية
اخوي فضى الدوشكة فيك وفيني يا قمرية
ما كنت صاحبك انقذيني يا قمرية
يا بلد انا كنت قايلك
تبت من تعب السفر
ومن مخاوات القماري
ومن شراب موية المطر
يا بلد انا كنت قايلك
تبت من تعب السفر
ومن مخاوات القماري
ومن شراب موية المطر
دقت طبول وناقوس الخطر
كلو مغلوب مافي زول انتصر
وابوي الشايب ياخ ظهرو اتكسر
صقر الجديان بالكلاب اتأسر
عايز اهرب ياخي وينو المفر
ميتين في النص بين الشر والشر
محروق محصولك وعطشان المطر
واقع مهين بس راضيين بالقدر
اتذكرتيني يا قمرية
كلاب عزة بتنهش فيني يا قمرية
اخوي فضى الدوشكة فيك وفيني يا قمرية
ما كنت صاحبك انقذيني يا قمرية
بكرة بتضوي انوار المدينة
التعليقات