مساحة إعلانية
والله ولا دمعة
باعني وظلمني هظلمه .. خاني وألمني هألمه
برج الهوى اللي بنيته أنا .. بايديا لازم ههدمه
لو قلبي دمَّع هخسره .. لو جرحي سمَّع هكسره
هعتبره وردة زرعتها .. دبلت أوراقها اترموا
والله ولا دمعة
هو اللي قاد النار .. هو اللي قلبه اختار
خليك يا قلبي شديد .. نوَّر شموعنا وقيد
إيه يعني لو في الأيد .. هتنطفي شمعة
والله ولا دمعة
أنا كنت روحه ودنيته .. وداويت جروحه ودمعته
كان قلبي بيته وداره .. كانت عينيا سكته
الفرح كنا بنرسمه .. والحلو بينّا بنقسمه
معرفش قلبه إزاى قوي .. وإزاى عيونه قسته
والله ولا دمعة
هو اللي قاد النار .. هو اللي قلبه اختار
خليك يا قلبي شديد .. نوَّر شموعنا وقيد
إيه يعني لو في الأيد .. هتنطفي شمعة
والله ولا دمعة
والله ولا دمعة
القصة هي قصتي .. والغلطة هي غلطتي
والمسرحية مانتهتش .. ولا النهاية دمعتي
مين اللي لازم ينكسر .. مين اللي لازم ينتصر
مين اللي بكرا يقول بصرخة قلبه اه يا غربتي
والله ولا دمعة
هو اللي قاد النار .. هو اللي قلبه اختار
خليك يا قلبي شديد .. نوَّر شموعنا وقيد
إيه يعني لو في الأيد .. هتنطفي شمعة
والله ولا دمعة
التعليقات