مساحة إعلانية
هبدأ القصيده بسطر مثير للجدل
"عقبال ما شوفك يا حبيبتي في بيت العدن"
من امبارح وانا رامي مشاعري في الزباله
عقلي رجع قاد تفكيري/ قلبي بقي مجرد آله
لكن مش موضوعنا ، أنا شاب عشريني
الدنيا بتعاندني ، فاكره هي اللي هتمشيني
متعرفش عنادي ياما زاح كل اللي في طريقي
القدر إتدخل جابني أرض في ثانيه زي جيلي
متخافوش أنا تمام متعورتش الحمدلله
انا مش اوڤر زي نيلي بل واقعي أنا illiam
بل واقعي افضل منكم علي الاقل مفيش نفاق
و برضو هفضل شغال رغم نقص الإمكانيات
بحافظ ع الكلام بعتبره ابن ليا
لما يرتبط بلحن بنشره كفخر ليا
سيبتها و اتمسكت بمزيكتي كالمعتاد
ماهي بقت موضه صاحبي مجتش عليا
# Chorus
نصحوني متسرعش وانا بطبعي مندفع
و منتقَد من البشر ،ف هعمل فريد الاطرش
عِد كام واحد مننا فاكر نفسه مختلف
فضلوا عايشين في الوهم و انا بمخ تالف ؟
×2
بهزي...
______
# Verse2
شكلكو عايزين تسمعوا كلام اهبل ؟ (ياريت)
زي كليوباترا بتلفلي سيجاره مثلا؟
او حتشبسوت بترقصلي علي الدبكه
في ضوء خافت بيتفرج صاحب الرداء الاسود
كترت الأسئلة و لسه الجواب واحد
ف فتحت العين التالته و أسقطت نجمي السابع
كرهي للأرقام خلاني اخاف من النتايج
لبسي كتير للسماعه افتكروني دايما تايه
هم قلبهم معدن أنا قلبي لسه صخر
مش عارف هقدر اوصل حتي لنُص المشوار
بعمل راب للإستمتاع مش عشان اسرق الأنوار
مبتبلعوش الكلام فبتاخدوه ضخ صح؟
المهم الكل يلتزم في الصومعه
مش هقول بيلعبوا بعقولنا وبرضو مش هجيب ورا
مبنامش من الأرق العالم دا في حاجه غلط
متاخدش علي كلامي من الملل بكتب خرا
# Chorus
نصحوني متسرعش وانا بطبعي مندفع
و منتقَد من البشر ،ف هعمل فريد الاطرش
عِد كام واحد مننا فاكر نفسه مختلف
فضلوا عايشين في الوهم و انا بمخ تالف ؟
×2
بهزي...
.
.
ايه الكلام ?
التعليقات