مساحة إعلانية
لو بيدي ارجع ساعتي
وين ارجع ؟؟ الياصدفه
والله ابقى افر بيها
لما ترجع بشر ماعرفه
وانهي العلاقه من العرگ
گبل الدمع والونه
مو انت بالواقع چذب
واگضيها اني اتمنى
من اولها ما انطي وجه
واوصيك لاتدوسه انتبه
مرات سهله تطب گلب
بس صعبه تطلع منه
يالطيحتني من وكت
والله على مودك چذبت
نام انت ويطبني سهر
واتگلب وما اغفى
الزين من يحلف چذب
تطلع وياه الحلفه
مغبون احس بعشرتك
والگلب طافح همه
شيصير اليودع ابو
وما يلگه خير بعمه
دافعت عن چذبك
رغم لاحظ عيوبك الاعمى
گالولي عنك مو حلو
وگتلهم اعشگ دمه
لا من انصحك تنتصح
لا يدخل براسك شرح
هوه انت توگع ع الجرح
بس مو تطيبه تلچمه
چنت ادري مانبقى سوه
دمعه ويضحكة شفه
لجنازه من تمشي بدرب
يندار وجه الزفه
مو حقي لو رد الوكت
اكفر بذيچ الصدفه
وانعل ابو ذاك الدرب
الجابك تشل احوالي
تلاگينه غربه وبس جزت
عينك لگيتك غالي
من يومها ومن ماتجي
الگاك جاي ببالي
وعيوني مو من الدمع
من الاحساس تلالي
يسموني خالي ومو چذب
بس ياهو اليحب من صدگ
غير ابو الگلب الخالي
من باب اموت بغيبتك
ومن باب اموت بجيتك
ولليوم مدري شتنحسب
محبوبي لو چتالي
يالما مقيمني عدل
يالما مثمن افعالي
تدري شكبرها مگابلك
وادري لفراگ احلالي
ومو كلها تنذل بالبچي
ولا كلها تشبه حالي
بچي المسافر بي نفع
وبچي الطفل على الام طبع
بس انت نزلت الدمع
من ابو الخشم العالي
بالعافيــــــــــــــه
وگلبي القوي شافك
وجته الرجفه
وهاي العلى خدودك
ترى مو شامه نقطة ضعفه
ولا قاضي ينصب محكمه
ويحاكم العافونه
ولا ام تگلك عندي ابن
شحه بسواد عيونه
يومك بدوني يمر حلو
بس اني يومي شلونه؟
يومي بدونك بي نقص
ولفين ميكملونه
زين انت تدري الحب صدگ
ضحكة شفافه تخونه؟
وحتى اغاني هالوكت
ممكن تبچي عيونه
بالدنيا كلمن ينكتل
ثاره هله يردونه
بس اليحب محد اله
لاتخاف من ناسه وهله
بالشوگ لمن ينكتل
كل الخلگ ينسونه
غشيتنـــــي
شگد چان بعيونك هلا
لمن چنت ماعرفك
ومو ايدي احس جنحان الي
لمن گعدت بصفك
وديتني لكل التفاصيل
اليحبها الحالم
وفزيـــــــت
لنك واحد يچذب علي
ويگلي ظرفي وظرفك
اه يالعيونك والجروحك وسعه
هدني ارد اذب روحي
على اقرب دمعه
طلعت صوتي يالچنت
حچي العيون تسمعه؟
صح چنت للجيه وطن
بس البچن يتعلمن
وخليها بذنك للزمن
مو كلشي بالروحه انكسر
يتصلح ويا الرجعه
لو بيدي ارجع ساعتي
وين ارجع ؟؟ الياصدفه
والله ابقى افر بيها
لما ترجع بشر ماعرفه
التعليقات