كلمات اغنية راشد الماجد – سعيد بلقاك

انا سعيد بلقاك وشوفك وقربك

وأنا أسعد انسان لما شفتك قبالي

إن قلت أحبك يغار الحب من حبك

وإن قلت غالي غلاك أغلى من الغالي

من يوم قلبك فتح لي بالغلى قلبك

وأصبحت أنا أول غلى بعمرك وأنا التالي

قمت احمد الله وأدعي ربي وربك

أبقى بك سعيد وتغني بك امالي

يا كبر حظي أغنيها وأنا جنبك

يا زينة العمر معك العمر يحلى لي

من كثر حبي زرعت الورد في دربك

حفظته أسمك وغنى لك وغنى لي

لا تغمض رموش عينك ودي أبحر بك

في بحر عينك هنا حلي وترحالي

أشتاق لك معك وإن سافرت أسافر بك

ما اقدر أقضي بدونك لحظة بلحالي

أكيد تشعر بفرحي مثل ما أشعر بك

واللي في بالك يدور في بالي

أنا سعيد بلقاك وشوفك وحبك

وأنا أسعد انسان معك وطيب فالي