كلمات اغنية روان ماهر – صايم ولا؟

صايم ولا زي كل سنه ؟ ... عندك ولا تفطر عندنا ؟

تيجي نصلي الليله دي مع بعضنا ؟

ع الحال ده عشنا متجمعين

فينك ؟ ليك وحشه من زمان ... فاضل قد إيه علي الأذان ؟

زينه و فرحه معانا طول رمضان

دايما ف وجوده مطمنين

تفاصيل التفاصيل وحشتنا معاه ... إحساس إن الحياه غير الحياه

الخير ماليه

و الكل فيه

بيقول الله

لمه عيله و ضحك بالساعات ... سايب فينا أجمل ذكريات

من يومه و هو بيقرب المسافات

و بيجمع أغلي الغاليين

علي قد شوقنا بتبان فرحتنا بيه ... بيغسل ذنوبنا و ده أحلي ما فيه

و تصفي قلوبنا من غيره هنعمل إيه

كل سنه و إحنا طيبين