مساحة إعلانية
ماصعبوش عليك؟!
قبل ما تضغط على الزيناد
مارعشوش إيديك؟!
من براءة نظرة الولاد
إيه ذنبهم؟!
عشان في لحظة تنهي عمرهم
وقتلتهم
وبطلقة قضيت على حلمهم
حسّيت بإيه لما شوفت دموع العيال؟
ما سمعت ليه صرخات الدم اللي سال؟
عارف لو مكانك كنت أنا
كان رق قلبي من دموع أم وضنا
كنت حميتهم مش بيدي أضرهم
كنت فديتهم جوه قلبي أضمهم
هو أنت فاكر إنك إنت المنتصر؟!
قتلت ناس حصدت كتير أرواح بشر؟
زيك كتير وقلوبهم أقسي من الحجر
لا أقوي منك برضه في الأخر خسر
أنت الضعيف ماسك سلاح متحامي فيه
هما بثبات اختاروا دين ماتوا عليه
قابلوا خالقهم شايلين شهادة دمهم
موتة ملوكي ولا جت في يوم في حلمهم
أنت جبان
عايش مطارد كل وقت
هتموت قتيل
من قَتل يُقتل مهما عشت
وفِي الأخر مثواك هلاك
تاريخ ملوث كله دم
هتروح هناك ومين معاك؟
ملك الملوك بينا الحكم
ماصعبوش عليك؟!
لما قتلت فرحهم
مادمعوش عينيك؟!
من برائتهم من طهرهم
إزاي عرفت؟!
تنهي حياة أطفال صغار
إزاي قدرت؟!
تحرق قلب الملاك بنار
طب إحكي عن أخر ثواني في عمرهم
طب شوفتهم من قلبهم بيدعوا ربهم؟
لفوق عينيهم كانت شاخصة للسماء
تطلب حماية منه، من رب الحمى
اغاني مشابهة
- قصيدة هوذا الثوب خذيه
- الغائبة الحاضرة
- ما هو مش حقيقة سهلة وبسيطة
- ترنيمة إن كنت تحب يسوع قول أمين
- ترنيمة عمري ما دقت سعادة في قلبي
- ترنيمة مالي سواك يا سيدي الشماس ريمون سليمان وروماني محارب
- ترنيمة عالي لفوق أنا رافع يدي
- قولي له إني لستُ كالباقينَ
- ترنيمة عارفين اللي عمل شمس قمر الشماس ريمون سليمان والمرنمة رانيا
- ترنيمة لماذا جئت يا صاحب؟!
التعليقات