مساحة إعلانية
جوا دماغي في حروب بتقوم
اوقات بخاف اني اقول
السنين بتعدي وانا لسا في مكاني
كل الوعود كانت هنا ع بالي
كل دول كانو جمبي بس فهمت
الحقيقة اني عمري ما اتعلمت
جربت وعرفت
مشاعرهم كانت كدبة
بس انت محستش
كل يوم سؤال غير التاني في دماغي
كل يوم افكار كتير ع بالي
كل يوم بحارب نفسي في احلامي
كل يوم بحس اني وحيد في مكاني
كل يوم سؤال غير التاني في دماغي
كل يوم افكار كتير ع بالي
كل يوم الكون بيدور حوالينا
وانا حوالين نفسي بدور
أنا كاتب كل الي بينا في سطور
مبنساش الي بينا دول مش شهور
مفهمتش قصدك لما قولتي يغور
لان ايه الفايدة من الغرور
بتسالني نفس السؤال
طب سيبيني بس افكر
عايزين مني اكتر
وانا مش بقدر
ولما ابص لنفسي
انا مين اصلا
يا يا أنا مش بقدر
بشوف نفسي ك صورة ع الحيط
هغيب لما اموت وهحس ب ايه
بحس ب الا شئ لو مهتم انك تسال
كنت هفهمك بس انت قصدك تنسي
بتقسي نفسك لما بتنسي نفسك
وانا بنساني لما بفكر في المعني
فاهم كل كلمة بس عامل اهبل
عارف كل حاجة بينا كانت سبب
لان كل دا لازم ينتهي وفي يوم
الدنيا دي بتعدي عشان لازم تقوم
عشان لازم تمر والوقت دا محسوب
قولي مين خلى الدقايق دي دهور
قولي مين خد منك دقيقة بدقيقة
قولي مين سابنا نواجهة الحقيقة
مين هيوضحلي الأسئلة الي في دماغي
قولي مين هيساعدني اعدي الليلادي
وراسي مش بتسبني اشوف النور
كل يوم بليل في دماغي فيها حروب بتقوم
بحس اني وحيد بحس اني محتاج اني اعيد
ومينفعش اعيد ف مضطر اني اكمل
مضطر اني احس تاني من الاول
غيابي ملوش اي مبرر
ومبتستناش ف لوحدي بكمل
التعليقات