مساحة إعلانية
ثقب أسود
كل يوم بتسائل شو اللي بخليني صامد ،
كابس عجروحي ملح ..... كازز ع سناني عاضد ،
جواتي بأس و يأس و دايم عم كنلن مناهض ،
براتي في دنيا سودا عم تسحبني و انا شادد ،
متمسك بحبل ظاهرلي ما بعرف جاية منين ، ولا بعرف مين المدلي ياه ولا اخرتو وين ، لكن بعرف .. انو ما عندي غيرو امسك فيه و اسحب ما بدي اوقع بثقب أسود و لعين ،
عم يبلع كل التقاليد و يبلع كل العادات ،
عم يبلع كل الأجيال من الشايب للوليدات ،
عم يبلع فكر يبلع ثقافة يبلع دين و رب و يسحب شو في بهالبشر حُب و يترك كراهيات ،
عم يبني تفرقة عم يهدر دم و منو يصب ،
عمّ يسحب طاقات البشر يستثمرا و يكب ،
عم يعادي كل معادي لفكر منافق سادي عم يقطع الايادي اللي انرفعت لتناجي رب ،
هوي بيبني انا بهد ، هوي بيسحب انا بشد ، هوي العدو انا الند سنجق عرض دايملو ضد ،
لو حفرلي ما برتد ، لو أغراني ما بنشد ولو زرعلي الدنيا ورد و عمل بهلوان و قرد
لو اجاني بتوب احمر رح اترهبن لأطفيه ،
لو اجاني بتوب اخضر رح قايض لحتى انهيه ،
لو اجاني بعز و سلطة لو وعد بدفشة و نطة لو حققلي امنياتي بحياتي ما بوثق فيه
هوي يمكن نفسي فيه .. بمكانة معاليه .. يمكن نفسي بجواريه اللي بتونسو بتداريه .. لكن نفسي أمّارا بالسوء و سوءا رح انهيه .. و بما انك نازل بلع ف ابلع هي اخخ تفيه ،
فايت بالبشر بالعرض قاتل حياة ،
فارد سلطانك عالأرض ناشر غُزاة ،
مستغل الطيبة الجهل عم تنخر بلمّة أهل عم تعكس صفات البشر عمّ تجرّدن عُرات ،
بس وحياة مين طعمني عيوني و ميزني بلونا ،
رح حارب وجودك كمدريدي قبالو برشلونة ،
ولو عادتني المجرّة و البشر و الحجر رح عربش عالشجر
رح بتشوفني صامد صمود البثينة و اللونا ،
صمودي مو منشانك او منشانو ،
صمودي فقط لنو تفكيري قد سبق اوانو ،
شايف بعيني كيف الكوكب سقط خسر كيانو ،
دمروه و قطّعو اوصالو فتتو اركانو ،
جوعو البشر هدو الحجر ما خلو ثمرة عالشجر لعبو بفطرة نشرو العهر وحّدو الانثى بالذكر لا مو عثقافة و فكر بالعكس ع خسّة و مكر توحيدن ع عتم الوكر مسموح تحطلو سكر .
التعليقات