اقرأ كلمات اغنية سعد الفهد - ذي عيونك مكتوبة

ذي عيونك ولاّ هذي

مو عيونك ما دريت

ولاّ هذي هي عيونك

بس الاحساس اختفى

ودّي القا لو شرارة

في عيونك ما لقيت

إلاّ نظرة ما تطمّن

والرماد اللي طفى

ما عرفتك لمّا شفتك

انصدمت وما حكيت

أبتسم لك لمّا تضحك

واتعذّب بالخفا

مَقدر احيي اهتمامك

لو بحاول ما قويت

كيف اباحيي شي ميّت

والزمن عنّه عفا

صنت نفسي ما سألتك

عن برودك ما بغيت

اني ارخص نفسي أكثر

للي اقفى واكتفى

ماهي حلوة أعترف لك

اني عنّك ما سليت

وانّه قلبي ما تناسى

وانّه جفني ما غفى

كنت أحَسْبك عند وعدك

ما حتنسى ما حييت

ما مداني عنّك ابعد

إلاّ وعدك ما وفى

انتهينا غصب عنّي

يشهد الله ما رضيت

ما اقول الاّ خسارة

حسبي الله وكفى