كلمات اغنية سلطان خليفة و عيسى الوعد – معنى الغرام

يا صاحبي ابا اسالك وش هو الغرام

خلك من اللي نسمعه عطني دليل

هل هو مشاعر صادقة ولا كلام

ولا تحسه في زمنا مستحيل

معنى الغرام انك تلاقي الاهتمام

من شخص قلبه وافي و طبعه اصيل

و ان الحبيب ان كان في صدره ملام

يصارحك ما يرحل يدور بديل

بعض الغلا مثل الشتا يؤذي العظام

لكن نحبه وما لنا عنه سبيل

قاسي على العشاق جدا فالخصام

بس بالتفاهم و الوصل يصبح جميل

هذي تفاصيل و متاهات الهيام

مهما يطول الفرح به حزن قليل

لو ما نعيشه نور و نعيشه ظلام

ما كان حسينا بتلاقي و لا رحيل