مساحة إعلانية
هيجننوني .. هيجننوني
في ناس كتير هيجننوني
غلط حياتهم .. غلط عيشتهم
والحب يجري لو جت سيرتهم
يا تبعدوهم .. يا تلحقوني
هيجننوني
واحد يجيني يعمل حبيب .. أقول ده هو زين الرجال
أديله قلبي وأديله عمري وأعيش في حلم آخر جمال
ولما أخرج معاه شوية .. تبان حقيقته قدام عينيا
ألاقي عينه زاغت وبصت على اللي رايحة وعلى اللي جاية
والصنف ده إزاي أحبه .. يحرم عليا لو خيروني
هيجننوني
واحد يجيني فرحان بنفسه .. أقول ده باين عليه نزيه
أسهر عشانه وأتعب عشانه وأراعي حبه وأهتم بيه
أخد صاحبنا ع الحالة ديا .. وعمره مرة ما اهتم بيا
ومهما ياخد حنان بينكر .. وخلى عقلي معادش فيا
إنسان أناني بيحب نفسه .. وإن جبت سيرته بيزيد جنوني
هيجننوني
واحد يقولي كلام مزوق .. وأحبه حب كله احترام
فضل يقولي وفضلت .. أصدق لحد قلبي ما قال حرام
تعبت منه ومن اللي قاله .. يكدب عليا ويقول وماله
حببني كدبه وإزاي أحبه
خلوه يسيبني ويروح لحاله
راجل مالوهش في الحب كلمة
ماقدرش أحبه وصدقوني
هيجننوني
التعليقات