كلمات اغنية شيخ إمام – العربجية

مين زينا احنا العربجية

ياهوو ميـــــــــن

شغل وغلب وتلطيم

عقبال النايمين

كل الناس فِ أشغالها يافندى

رايحين جايين

إلا احنا نفضل بالعشر ساعات واقفين

الله يكفيكم ياهووو

شر القاعدة اللى بنقعدها مصلوبين

طول النهار انا والجدع ده

ياما بنشوف مـِ الشويشية

صبح ومغرب وعشية

ع أى شئ يراذونا

يخالفونا

ويلعنوا أبونا

وآدى حالة

يعلم بيها سيدك

تشكي لمين

شئ مش هيفيدك

طول ماسُرعك

يااسطى فِ ايدك