مساحة إعلانية
فـ بلاد العتمة يقتلك. فوق الحبال يشكلك
تفضل عايش حياة مكسور و الكون فـ لحظة يهددك
الوحدة فيها تموتك عايش غربة و مهاجر
راكب قطر الحياة لسة عمال تعافر
لفة سلاسل من حديد.اللفة شدة كل ايد
تدوق فـ سم جوه غم و هم فيك عمال يزيد
عملت ياما بالأصول ملقيتش رد منهم
شيطان الغدر فيهم كلبش مغمي عنيهم
كتبت بالدموع كتير بطلع اللي فيا
مشيت فـ سكة هالكة تقع ملكش ديه
عنيت فـ صبر كتير هنا قطري اللي كان كله شقى
ريحة الرماد دخان و نار تايه فـ ضلمة مين انا
لسان وعايز قطعه بكل غل بيرمي حاجة
معلق الأسباب سم تدوقه فوسط غابة
فرق الصراحة م الوقاحة فيك ما تلقى راحة
غدر وخيانة عايشة فيك معاك سنين متاحة
قدرت و اتشطرت عمري فيوم انا مستكترت
طول عمري انا واقف ضهر كنت شاريهم ما استخسرت
كفيلة كلمة تهد فيك فـ لحظة لو اتأخرت
خطوة فالمشوار وقصة ناس مستنياها
لو أزمة هتفادها ناس مؤذية اكسر اذاها
حكم الزمن عليك يهد فـ لحظة اللي بنيته
النية كانت خير معاك فـ الحلم اللي ناديته
ارضى بالمكتوب و امسك ف حلمك لو لقيته
عقرب الثواني يمشي ثانية ما بيرجعش... تفوت سنين ف لحظة جوه دنيا ما بتسمعش
رحال تلف تقول هعيد الحلو ما بينفعش... حياتك جوه دايرة بيك مـ الغدر ما بتسلمش
كله بالمظاهر بان تغير فـ خط سير
ربيت الروت ويلر عشان فـ يوم ملقيتش خير
غدر فـ زمنا حرفة تخاف ملكش صرفة
تفضل تقتل فـ روح تروح فـ دنيا بالمقلوب الله يقدرني عـ المكتوب
دنيا ماشية لسة لينا ماشية برضه تلف بينا
رضيت بـ هم بين ايديك و الغلبة مسكت فيك
تعد ساعة ويا ساعة.. الحيرة اكتبت ليك
عديت فـ صحبة فاضية كله بيروح فـ ثانية
معدش فيها خير يمكن فـ دنيا تانية
التعليقات