مساحة إعلانية
مش هعيبك ومش هجرح فيكي بس انسي اني اجيلك.
سمعت عنك انك بتعوزي حضنو علشان تنسيني.
وانا بدور ع حد شبهك علشان يخطي حنيني.
وانسيني اللي بينا مكنش سهل.
سهرتنا فـ رمضان ومشاكلنا بعد الصيام وافتكرتك قبل الادان وادعيكي انك تكوني ليا.
وفجاه اسمع انك بتشتمي فيا؟
قولتي كام مره مش هخبي وخبيتي حياتي كانت لعبه فـ ايديكي ومتنسيش اني كنت ضهرك وسندك لـ يوم مقامك .
خونتيني ؟ وسبتيني يلا مع السلامه انا مبقتش عايزك ليا وان كان اللي حصلي منك فـ متقلقيش انا مسامحك لـ يوم الدين .
فرحانة بـ اللمة اللي حظرتك منهم؟
زعلانه علشان بعدتك عن ناس وسخوكي قدام الناس؟
انا مش مداس .
افتكري يبت الناس اني كنت عايزك فـ الحلال والجواز ، مش عايزك مكالمات وسهره بليل ماما جاية يلا سلام .
انا مش هنام .
السهره صباحي لغيت ما تسمعي ي مدام .
انا هنا هلكان.
حبيبك اللي كان زمان مبقاش ينام.
ضغط وقرف وشوق وعيني تشوفك ف اسكرين لينأ تدمع .
وتسهرني بـ الساعات وانا قرفت عملت سوفت فـ للفون وافتكرت ان صورتنا لسه ع التلفون .
فتحت الشات لقيتك لسه مكلماني م ساعات .
اقول يواد انت واحشها افتح الاقي انك نسياني ومش متبعاني .
لكنك وديني تعباني ولسه وحشاني ولسه بتيجي فـ بالي .
وانا ولا ع بالك .
والمرادي خلاص انا هلكت ولعنت كل الكلام ومبقتش زي زمان .
فـ انسي اني ارجع لـ حضنك واستريح وانام .
وانا مش كداب رغم اني عارف انك مش عايزاني ,
لكني بحاول اقنع نفسي انها لسه حباني .
واكدب كلامها كلو لاني كنت ابوها وانت عارف حنيه الاب مع بنتو .
ضعيف فـ جمله يبابا منها وجمله تعالا فـ حضني يحبيبي وحشتني .
انا مش بنام غير لمه اسمع تسجيلاتنا زمان وصورك وانتي طفله مع الايام بتكبري قدام عيني .
معقول حضني موحشكيش ينور عيني ؟ ولا مستريحه م بعدي وبتنامي عادي ومش زعلانه !
لو ده كلو فـ انا مش وحش وبتمنالك الخير وبدعي ليكي بـ الخير .
-
نسيتي العهود اللي بينا ؟ كلمه بحبك عهد كلمه مش هسيبك عهد كلامنا كلو مليان عهود وانتي مكنتيش فـ الوجود بـ العهود .
شتموكي خسرتهم علشان بحكيكي ليهم وهما زهقو م بلاويكي .
ومعاهم حق , انا اللي بحكي عنك لـ مليون حد .
ومش نسيكي . ومليش اجازه اني ابطل افكر فيكي ولا جمعه ولا سبت :)
وحته الشغل مش حاللني لدرجه اني كاتب أسمك فـ جفني .
يـ ست البنات انا مش عارف اتاقلم مع واحده غيرك .
لاني متعود ع حركاتك والنور فـ عينك .
ومعاهم حق علشان اتقدم لازم اني اخسر حد .
واديني خسرتك ومتقدمتش بعدك مستغرب .
وحته مش عارف اوصلك ضميني فـ حضنك م تاني .
ورجعيني زي الاول يـ حلالي وانا مش هغني تاني .
اسف اني نسيت انك مش سمعاني . واديني اعتذرت لـ اول مره فـ حياتي .
هقفل الاغاني وهحاول انام تاني .
بنتي مش موجوده علشان تسمعني فـ الاغاني وياريت تعرفوها اني لسه بحبها ومش ناسيها ولا هنساها
التعليقات