كلمات اغنية عبد الحميد – نوڤمبر

يومي بيعدّي وشمسُه تغيب

من غير ما يجيب

أي جديد

زيُه زي إمبارح

يدور الكون وتتغير فصول

وانا على حالي

عايش في خيالي

ودايماً سارِح

أصل الواقِع أليم

وإحساسي القديم

راح وراحِـت معاه كُل الأماني

وراح معاه

وراح وراه

وراح ويّاه

حِلمي القديم

أصل الواقِع أليم

والأيام مابتسيبش حد سليم

حياتي زحمة ومليانة وشوش

ومابيشوفوش

غير إبتسامتي

واليوم يعدّي ويخلص

وأبقى لوحدي

وييجي الليل وتِصحى الذِكريات

وافكّر في اللي فات

والنوم يطير

ونفس الفيلم يتعاد