مساحة إعلانية
عناب
ابو عبير
يا ولا
الفقر مش فلوس
اسمعو الجديدة
الفقر في الاصول
وانتو عالحديدة
بيني وبينكو سور
يا بشر يا مريضة
سبت اللي يقول يقول
مقلش حاجة مفيدة
بعت الدنيا اشتريت دماغي
لاقتني بنجح والتاج مقاسي
معلش اصل انا متربي على الغالي
فأي حاجة مش فرقالي عادي
مشربش الهاش مليش في الكوك
الصحة حديد انا شاب سبورت
هتيجي على السكه هكلك بالنص
خارج الصندوق out of the box
طباخ السم بيدوقو
صحاب السوق بقو يسوقو
من الوهم لازم تفوقو
عشان اللي هشوفو مش هشوفو
خد
صاحب البنك انتو موظفين
خدت الملايين سيبتلكو الملاليم
صاحي ما بنامش يا مريحين
صاحبي اوعى تسنا عناب غشيم
انا بروفيشنال والكل يشهد
لحمي مر دمي حر تشرب منه تشرق
اسمي يستفزك الشيطان يوزك
سوحك عليا اسف جدا مش هحلك
وسعت وقلبت اوبن بوفيه
حارق ناس كتيره مش عارف كده ليه
مجتش بالحظ ده تعب سنين
ربنا معايا فهخاف من ايه
طباخ السم بيدوقو
صحاب السوق بقو يسوقو
من الوهم لازم تفوقو
عشان اللي هشوفو مش هشوفو
عايزين تكسروني انا مش ازاز
مهما توقعوني رجليا عكاز
واخدين عني صورة وحشة طب تمام
ابقو عدو عليا عشان اديكو البرواز
عندي دراع ياما شال شيلتي
ضهري جدع سندي في ضيقتى
لا صحبي نفعني ولا حبيبتي
آسف يا نفسي اتغفلتي
ربنا يديكو ضعف اللي بتتمنهولي
هتشوفو بالظبط مني زي ما ورتولي
انا رد فعل لاي فعل صدقوني
انتو حيطه مايله عمركم ما تسندوني
انا الكابوس جايلك مخصوص
في اي حاجه بروح وبدوس
منهجي صعب ومش مدروس
صدقني هديك لما تعوز
طباخ السم بيدوقو
صحاب السوق بقو يسوقو
من الوهم لازم تفوقو
عشان اللي هشوفو مش هشوفو
التعليقات