كلمات اغنية عيضة المنهالي – محلاها رأس الخيمة

الله يا محلاها_رأس_الخيمة

ردد صداها الصوت يا محلاها

سعود من فكره و من تصميمه

خذها بيمينه و للسما وداها

أبو محمد يعل ربي يديمه

عز و فخر إلها و درع حماها

عانق سماها و أمطرت له غيمة

جادت كفوفه طيب لين أرواها

و محمد بجهده و من تكريمه

تسكن عيونه و الغلا مرساها

كل شي فيها ذات معنى و قيمة

من حقها في زينها تتباها

طير السعد غنى بها ترنيمه

تسحرك بأولها ف كيف أقصاها

هذا جبلها جيس في تسليمه

هام السحايب حيته و حياها

ولا الجزر غنت مرابع ديمه

صباحها يحتار من ممساها

و من زارها الحمرا يفتك ضيمه

هموم هالدنيا نعم ينساها

و إن ييت للمرجان طلعت ريمه

دانة بحر في سرها معناها

اللولو و إلي روعته تنظيمه

يشرق بها من طلة محياها

سحر الجمال ألوانها تقسيمه

و لسان حال يقول يا مغلاها

لا تسألوني كيف راس الخيمة

سعود يكتبها و نحن نقراها