كلمات اغنية كارلوس – المشوار

كان نفسي اكون اللي انا عاوزو

دا اللي نفسي فيه

بس مش مضطر اكون اللي انتو حلمتو بيه

بسعي وسط الضلمه وعارف اني مش هصيب

كل ضربة اضربها تفلت مني ليه وتخيب

..

معرفتش ابني بيت احلامي كان ناقصلي خطوة

كان نفسي دماغي تسيبني في حالي طول الليل بفكر

سهران في قوضه ضلمه ع الحيطان بخبط

احنا عارفين مصلحتك مش لازم تخطط

..

احلامي جوا دماغي بتطاردني من سكات

كل يوم بشوف قصادى حلم منهم مات

مضطر اكمل الطريق وانسي اللي فاات

ملقيتش امل فى المجازفه لما حزنى بان

مش عارف العيب في مين

فيكو ولا مين

ولا فيا وفي الظروف ولا في السنين

وصلت للعشرين

ياما ابنك كبير

اسمعوني في مره كنت محتاجكم كتير *2

..

Mariem Youssef

مفتوحلك الف باب والحلم لسه بعيد

خايف تلقي النهايه بتخلق حمل جديد

مربوط بحبال ودايبة وفاكرينك عنيد

بس الحقيقه باينه وسطيهم غريب

..

Carlos

لسه مفكرني خايب لا دا انا بعافر

لو كلو لسه ضدى مش هيأس همشي للاخر

بنام وبصحي ع المواجهة وكان لازم اواجه

بواجه نفسي والظروف وبرضو مش عاجب

محتار اراضي فيهم ولا اراضي نفسي

مش عارف اهرب من سكوتي ولا اهرب من يأسي

انا الوحيد وسطيهم اللي دايما منسي

امتا الموج يحن عليا والسفينه ترسي

متقوليش مستقبل لما الحاضر معيشتوش

الزمن غير الزمن متصدقش اللي مشوفتوش

كل قطر يعدي عليا بسعي وملحقوش

بقيت مستغرب شكلي حد تاني معرفوش

في الحزن اداري اخبي اكتم جوايا اشيل

بس لسه واقف زي الجبل مش بميل

معرفش المستحيل حتي لو طريقي طويل

بكرة تشوفوا ازاي بخطوة وصلت رحلة الف ميل

..

Mariem Youssef

رافض تختااااار سكة تانيه وحلمك باقي

واخد قرار صعب انك ترجع من تاني

ليلك نهاااار والايام عديت في ثواني

واقف محتااار بس في حزنك ليه بتداري

مكتوم جواك كلام

وسط الليل قلبك حزين

ومين فيهم معاك

شايفينك انسان كئيب

واهي عديت الايام

وانت لسه تايه بعيد

ومتعرفش استسلام

ومكمل لاخر الطريق

Outro

لسه المشوار طويل *4