كلمات اغنية كريم خالد • سكار – خسرت روحي ٢

التقل زاد العقل باظ الجسم هلك

بشكر فيكي لما افتكرك مش بندبك

بقيت ضعيف وانا زعلان ومش هخبي

ان انتي حبي الاول وانا بعدك لوحدي

-----

بحس بخوف اصبحت بعدك اعمى مش بشوف

مش فارق لي بعدنا ومش حجه الظروف

وانا مكشوف الحزن صوب خدت الخبطه

بنام بصعوبه ولما اصحى اقوم بخضه

-----

انا تعبان ليلاتي اشوف طيفك فكل مكان

ازاي دا حب مراهقه ازاي مشاعري بقت اوهام

حبي كان بجد وفاكرك صادقه لي بتكدبي

بدل متداوي جروح الدنيا لي فيا بتقتلي

----

العمر اتقضى اديت بعشم بس خدت الضربه

تعبت مين كان جمبي حتى سؤالو فيا استخسر

وانا بموت مش اكتر محدش يشغل بالوا بيا

اصبحت ملجئ كل حزين بينتظر اغانيا

----

كل الي راح كان غالي وانا مزعلش ع الرخيص

اديتوا كل ما املك بس صحبي كان خسيس

وانا مليش عزيز الكل بعد سابني فكسره

هي بتضحك بعدي وانا مزلت ببكي فحسره

-----

مش داري مين اعدائي ومين احبابي ولسه

بقيت زي الكتاب جوه مني الف قصه

بتحدى الكون وبقول ان التعب فيوم هيعدي

الفرح خدلوا جمب بس الحزن بقا فصفي

----

وبصفي فناس حبوني ولما تعبت سابو

الفرح تمنه غلى وانا مش معايا حسابو

دول سابو لما عرفوا اني بجد هلكت

ببان قدامكم بضحك بس انا بجد تعبت

----

انا مش حابب الشهره ومش عيزك كمان تسمعني

بتنافق فيا فضهري وتضحكلي لما اجي اغني

اي يعني ترميلي كلام يكسرني لالف حته

ببان فعيونكم جبل بس انا مجرد جته

----

وبحس وبسهر ليلي اكون ف اوضتي وحدي

دي ضحكت لما حزنت ولما حزنت كنت ابكي

وابكي فناس حبوني لونهم نفس لوني

انا اشتريت الكل وهما ف الاخر بعوني

----

محدش يقولي انسى جرح قلبي ميتنسيش

النفس واخد جمب الكلمه الحلوه مبتداويش

مبقاش بايدي اسمع مش عارف افسر الي انا حسوا

بقيت انسان كئيب انسان بيكره حتى نفسه

----

عشان نبعد وننسى بنرمي شخص بجد حب

انتم درستوا علوم والله الكل عنده قلب

قادر يحس الخوف بتقوم ناروا لما يحزن

حباني ازاي انا وهو انتي قلبك كنوا مخزن