مساحة إعلانية
الكلمات:
زي لما تفرمل بالشمال، إتخضيت من شكل العيال
قاعدين خمسة ما بنتكلم
والكل في تليفونوا مبلم
والواحد منهم مش بيرد
بكتيره يمد إيده يسلم
قلت أهرب من مصر الجديدة
علي أي حتة تكون بعيدة
ممكن زمالك أو معادي
خلينا زمالك عند فادي
.............................
بعد حوالي ساعة علي الكوبري
قلت آكل مانا هنا من بدري
قلت انزل آكل في البرنس
وأطمن قفلوه ولا هجص
فا نزلت بسرعة لقيته مقفول
الناس دي دماغها أكيد فيها فول
يقفلوا احسن مطعم في مصر
بقا بالذمة ده كلام معقول؟!!!
.......................................
و وصلت لفادي لقيته سخنان
هايسيب شغله و يسرح ب ليمون
قولتله طبعا ده كلام فيسبوك
قال لازم أخرج من الكومفورت زون
شوف لو زعلان من ميلة البخت
لو بتدور ع الحل السهل
فالحل أكيد مش في التليفون
الحاجه الحلوة بتاخد وقت
يابني الحياة مش فيلم أمريكي،
مش هاتسيب شغلك تبقا موسيقي و تبقا المان و سبايدر مان و الجان و كمان إنسان فنان يتجاب في برامج التوك شو و حريم الA-Class هايحبوه. تعمل ملايين في خلال شهرين مديرك يضرب نفسه قلمين...
زي لما تفرمل بالشمال، إتخضيت من شكل العيال
كومفورت زونك في تليفونك
سيب فيسبوكك سيب واتسآبك
إوعي يكون تليفونك سجنك
شوف شغلك أهلك و حياتك
كومفورت زونك في تليفونك
سيب فيسبوكك سيب واتسآبك
إوعي يكون تليفونك سجنك
شوف شغلك أهلك و حياتك
كلمات والحان وغناء: عمرو الطويل
توزيع وهندسة صوت وجيتار: اسلام علام
التعليقات