كلمات اغنية لطيفة – جرح الهوى

بيقولوا قال جرح الهوى مالوش دوا

وأنا بقول داوي الهوى برضه بهوى

ده زي ما يشقيك هوى

ممكن كمان يشفيك هوى

يمكن ح ياخد وقت.. أو يمكن هوى

و إسأل مجرب قبل ما تسأل طبيب

الدنيا ما بتخلصش لو تنقص حبيب

سيب اللي راح.. على ايه بقى تبكي اللي راح

ده كل ليل مهما طول بعديه صباح

وكل شئ حتى الخلود.. نفسه بحدود

لا فيه حزين بيدوم حزين

ولا فيه سعيد بيدوم سعيد

جرح الهوى ممكن مع الأيام يطيب

والدنيا ما بتخلصش لو تنقص حبيب

الدنيا لو تضحك لها تضحك معاك

والحظ لو يقطع هنا.. يوصل هناك

ولا حد أبدا من الغرام ضاع يا حرام

والحب شئ مافيهوش جديد إلا الأسامي ع الزمان

ده كل ما يجرى لنا قسمة ونصيب

والدنيا ما بتخلصش لو تنقص حبيب