كلمات اغنية مارانا سعد – يا بيي (غناء لينا فرح، كلمات جورج خبّاز)

بِجناحَك تخبّيت

عَصوتَك تربّيت

يا سَنَد هالبيت...

يا بيي

بِعِزَّكْ حتَمَيتْ

بِزندَك تهدّيت

يا سَنَد هالبيت ...

يا بيي

عَجبينَك مكتوبِ حكايِة...

حكاية عزّ رجوليّة

وتحت العَبسة مخبّاية

عيون بتلمع حنيّة

بإيمانك كَفَّيت

بصَلاتَك صلَّيت

يا سَنَد هالبَيت ...

يا بيي

أنا قلبي صايِر مَسكون

بِمحبّة ربّيتَ فيّي

وين ما رِحت وين ما تكون

خيالك بفيّي عليّي

هالشِّعلة اللضوّيت

ولو حتّى فَليت

رَح تِبقى بالبيت...

يا بيّي

كلمات: جورج خبّاز